- ჩვენს შესახებ
- სტრუქტურა
- მიმართულებები
- ნეიროქირურგია
- კარდიოქირურგია
- ინტერვენციული კარდიოლოგია
- კარდიოლოგია
- თორაკო აბდომინალური ქირურგია
- ოტორინოლარინგოლოგია
- ოფთალმოლოგია
- გინეკოლოგია
- ტრავმატოლოგია - ორთოპედია
- ონკოლოგია
- ონკოჰემატოლოგია
- ქიმიოთერაპია
- ანგიოქირურგია
- პოლიპროფილური დეპარტამენტი
- უროლოგია
- ფარისებრი ჯირკვლის მკურნალობის ცენტრი
- ქირურგია (ენდოსკოპია)
- ყბა-სახის ქირურგია
- ამბულატორია
- ლაბორატორია
- რადიოლოგია
- აღჭურვილობა
- ექიმები
- სასარგებლო ინფორმაცია
- სასტუმრო
სიახლეები
თვალი და ონკოლოგია
ერთ-ერთი ყველაზე აქტიური პრობლემა თანამედროვე მედიცინაში ონკოლოგიაა, მედიცინის დარგი, რომელიც შეისწავლის კეთილთვისებიან და ავთვისებიან სიმსივნეებს. განვითარების მექანიზმს და კანონზომიერებას, პროფილაქტიკის მეთოდებს, დიაგნოსტიკასა და მკურნალობას.
ონკოლოგიური პათოლოგიები წარმოადგენს ფართო და განსხვავებულ დაავადებათა ჯგუფს.. ავთვისებიანი სიმსივნე ეს არის დაავადება, სადაც ორგანიზმის უჯრედების დაყოფა ხდება უკონტროლოდ და ინვაზირდება ირგვლივ ჯანსაღ ქსოვილებში და სხვა ორგანოებში.
ჯანმრთელ ორგანიზმში უჯრედები მუდმივად განიცდიან განახლებას, როცა უჯრედი ბერდება ან ზიანდება ის კვდება ხდება მისი ჩანაცვლება. უჯრედების ჩანაცვლების პროცესი ავთვისებიანი სიმსივნეების დროს დარღვეულია. ისინი ხდებიან სულ უფრო ავტონომიური არ ექვემდებარებიან ორგანიზმის მარეგულირებელ სისტემას. სიმსივნური უჯრედები არ ბერდებიან და არც კვდებიან ისინი უკონტროლოდ მრავლდებიან.
კეთილთვისებიანი სიმსივნე არ აზიანებს ინგვლივ მდებარე ქსოვილს არ ვრცელდება არ მეტასტაზირებს სხვა ორგანოებში, არ კარგავენ ავტონომიურობას, იზრდებიან ნელა მაგრამ აღწევენ დიდ ზომებს და ხელს უშლიან ორგანიზმის ნორმალურ ფუნქციონირებას. სიმსივნეები ორგანიზმში გვხვდება ყველგან, პრაქტიკულად ყველა ორგანოში.
გამონაკლისს არ წარმოადგენს თვალი, თვალბუდე, თვალის დანამატი ორგანოები (ქუთუთოები, საცრემლე სისტემა). აქაც გვხვდება ავთვისებიანი და კეთილთვისებიანი სიმსივნეები.
რა სიმპტომებით განისაზღვრება სიმსივნის ტიპები ოფთალმოლოგიაში და რა დროს უნდა მიმართოს პაციენტმა ექიმს?
ქუთუთოს წარმონაქმნების დროს ყველაზე გავრცელებული სიმპტომებია: ქუთუთოზე სხვადასხვა ტიპის წარმონაქმნის გაჩენა, განსაკუთრებით თუ წარმონაქმნი სწრაფად იზრდება, არის სისხლმდენი, იცვლის ფერს და ფორმას.
კონიუქტივის სიმსივნეების დროს ძირითად არის ლოკალური წარმონაქმნები პრომინირებული სხვადასხვა ფორმის რიგ შემთხვევაში ჩაზრდილი რქოვანაში.
თვალშიდა სიმსივნეების დროს, პროცესი დიდიხნის განმავლობაში მიმდინარეობს უსიმპტომოდ და მათი აღმოჩენა ძირითადად ხდება სკრინინგის დროს ან შორს წასულ შემთხვევაში, როცა პაციენტი კარგავს მხედველობას, ბადურა გარსის ჩამოცლის გამო. თვალბუდის სიმსივნეების ვიზუალური სიმპტომებია: ეგზოფთალმი(თვალის წინ გამოწევა), თვალის მოძრაობის შეზღუდვა, ტკივილი.
სიმპტომების გამოვლენის შემთხვევაში როგორ მიმდინარეობს დიაგნოსტიკის და მკურნალობის პროცესი?
ქუთუთოს წარმონაქმნების, კონიუქტივის და თვალშიდა სიმსივნეების დროს სიმპტომების გამოვლენის შემთხვევაში აუცილებელია ოფთალმოონკოლოგის დროული კონსულტაცია და გამოკვლევები:
1. ანამნეზის სრულფასოვანი შეკრება
2. ოფთალმოლოგიური კვლევები
3. მაგნიტურ რეზონანსული ტომოგრაფია
4. მორფოლოგიური კვლევა
ხოლო ექიმის მიერ მკურნალობის მეთოდის შერჩევა დამოკიდებულია სიმსივნის ტიპზე და ლოკალიზაციაზე, იმისათვის რომ არ მოხდეს გართულება საჭიროა სიმპტომების გამოვლენის შემთხვევაში დროული ვიზიტი ექიმთან და დიაგნოსტიკა.
სამედიცინო ცენტრი ვივამედი გთავაზობთ ოფთალმოონკოლოგიურ მომსახურებას, სადაც დაგხვდებათ თანამედროვე სადიაგნოსტიკო აპარატურა და მოგემსახურებათ მაღალკვალიფიციური ექიმთა გუნდი.
ოფთალმოლოგიური დეპარტამენტის ხელმძღვანელია - ოფთალმოლოგი ილონა წერედიანი
კონსულტაციაზე ჩასაწერად დაგვიკავშირდით წინასწარ ნომერზე 577 60 01 12
დროული დიაგნოსტიკა - ჯანმრთელი მომავლის საწინდარია!
ვივამედი - სრული პასუხისმგებლობით თქვენი ჯანმრთელობისთვის!
